Lilte Moments – ბრენდინგი და ციფრული იდენტობა: ბავშვების შემოქმედების გაცოცხლება
„Kibe Consulting-ისთვის Lilte Moments-თან თანამშრომლობა ერთ-ერთი ყველაზე ემოციური და კრეატიული გამოწვევა აღმოჩნდა. ბრენდის მთავარი მისია — ბავშვების ნახატების გაცოცხლება და მათი ყოველდღიურ აქსესუარებად ქცევა — მოითხოვდა ისეთ ვიზუალურ ენას, რომელიც თანაბრად იქნებოდა ბავშვურად უშუალო და პროფესიონალურად სანდო.
პროექტის ფარგლებში ჩვენ შევქმენით არა მხოლოდ სტანდარტული ბრენდინგი, არამედ ინოვაციური გადაწყვეტილებები, რომლებიც Lilte-ს ბაზარზე გამორჩეულ პოზიციას უმკვიდრებს. განსაკუთრებული აღნიშვნის ღირსია უნიკალური სავიზიტო ბარათი, რომელიც ბრელოკის სახითაა წარმოდგენილი. ეს გადაწყვეტილება სრულად პასუხობს ბრენდის არსს — აქციოს ყოველდღიური ნივთი ხელოვნებად და მუდმივ მოგონებად.
ასევე, ბრენდის ფიზიკურ სივრცეში ეფექტური პრეზენტაციისთვის, შევიმუშავეთ საგამოფენო სტენდის დიზაინი, რომელიც ნათელი ფერებითა და მინიმალისტური სტილით იდეალურ გარემოს ქმნის პროდუქციის გამოსაფენად.
პროექტის ოპტიმიზაციისა და ბრენდინგის პროცესში Kibe Consulting-ის გუნდმა განახორციელა:
- ბრენდის სტრატეგია და პოზიციონირება
- ვიზუალური იდენტობის შექმნა (Logo & Identity): ლოგოს კონცეფცია, რომელიც აერთიანებს ბავშვურ ემოციასა და პროფესიულ ხარისხს.
- კორპორატიული აქსესუარების დიზაინი: ინოვაციური სავიზიტო ბარათი-ბრელოკის კონცეფცია.
- Stand Design: ფიზიკური საგამოფენო სივრცის დაგეგმარება და დიზაინი.
- Packaging Design: სხვადასხვა ზომის ჩანთებისა და სტიკერების დიზაინი პროდუქციისთვის.
- Social Media Kit: Facebook და Instagram პლატფორმებისთვის მორგებული ვიზუალური გაიდლაინები.
ეს პროექტი განხორციელდა სააგენტო კოლექტივთან პარტნიორობით და სააგენტო "აწარმოე საქართველოში"-ს მხარდაჭერით.
